काठमाडौं– उच्च अदालत पाटनले हिन्दी चलचित्रहरुको प्रदर्शनमा रोक लगाउने काठमाडौं महानगरपालिको निर्णयका बारेमा छलफल गर्न असार १२ गते दुवै पक्षलाई बोलाएको छ।
काठमाडौं महानगरपालिका मेयर बालेन शाहको निर्णयविरुद्ध दायर भएको रिटमा अल्पकालीन अन्तरिम आदेश जारी गर्दै उच्चले लिखित जवाफसहित उपस्थित हुन भनेको हो। न्यायाधीश धिरबहादुर चन्दको इजलासले एक साताको समय राख्दै छलफलमा बोलाएको हो।
‘निवेदकले अन्तरिम आदेशको मागसमेत गरेको सम्बन्धमा विचार गर्दा दुवै पक्षको छलफल पछि मात्र अन्तरिम आदेश जारी हुने/नहुने सम्बन्धमा निष्कर्षमा पुग्नु वाञ्छनीय हुने देखिन्छ,’ आदेशमा भनिएको छ, ‘त्यसका लागि २०८० असार १२ गतेको छलफलको पेसी तोकी सोको सूचना विपक्षीहरुलाई दिनू।’
साथै उक्त मितिसम्म हिन्दी एवं अन्य चलचित्रहरु प्रदर्शन गर्न बाधा नगर्नू/नगराउनु भनि विपक्षीहरुका नाउँमा अल्पकालीन अन्तरिम जारी हुने उच्चको आदेशमा उल्लेख छ।
न्यायाधीश धिरबहादुर चन्दको एकल इजलासले अर्को सुनुवाइ नभएसम्मका लागि महानगरको उक्त निर्णय कार्यान्वयन नगर्न आदेश जारी गरेको हो। उच्च अदालत पाटनले काठमाडौं महानगरपालिका मेयर बालेन शाहलाई लिखित जवाफसहित अदालतमा छलफलका लागि आउन आदेश गर्दै दुवै पक्षको सुनुवाइपछि फिल्मको प्रदर्शन रोक्नुपर्ने वा नपर्ने विषयमा निर्णय लिइने भनिएको छ।
फिल्म हलवालाहरुले महानगरको निर्णयविरुद्ध उच्च अदालत पाटनमा रिट दायर गरेका थिए। फिल्म सञ्चालकहरुले उनीहरुले आदीपुरुष फिल्मको डाइलगको विवादलाई लिएर सम्पूर्ण फिल्महरुमाथि प्रतिबन्ध लगाउनु गलत भएको भन्दै रिट दायर गरेका थिए। अदालतले फिल्म चलाउन आदेश दिने बुझेपछि शाहले सामाजिक सञ्जालमा प्रतिवाद गर्दै आफूले चल्न नदिने अडान राखेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
